Maqedonia Veriut të shtunën ka arritur shifrën rekord prej 1,085 rastesh të reja me koronavirus brenda një dite. Po ashtu, në 24 orët e fundit, janë regjistruar edhe 12 të vdekur dhe 283 të shëruar.
Të dhënat e Institutit të Shëndetit Publik i referohen testimit të 3,294 mostrave që po ashtu paraqet numër rekord të të testuarve brenda një dite.
Në mesin e të vdekurve është edhe një person i moshës 27-vjeçare.
Në Klinikën Infektive në Shkup janë pranuar 13 pacientë të ri, ndërsa numri i përgjithshëm i të hospitalizuarve ka arritur në 154 persona, prej tyre 117 janë në oksigjeno-terapi. Në spitalet tjera të vendit janë të shtruar rreth 450 persona.
Deri tani me COVID-19 në Maqedoninë e Veriut janë diagnostikuar 31,572 persona, prej tyre; 994 kanë ndërruar jetë, 20,731 janë shëruar ndërsa 9,847 janë aktivë.
