Ministria e Mjedisit ka reaguar lidhur me lajmet se në Shqipëri janë zhdukur 1300 kontenierë me mbejtje të rrezikshme që kanë ardhur nga Italia.
Ajo thotë se mbetjet e rrezikshme janë të ndaluara të kalojnë edhe tranzit në Shqipëri. “Ne pajisim me autorizime tranziti subjektet private, që kërkojnë të tranzitojnë mbetje jo të rrezikshme, pasi tranzitimi i mbetjeve të rrezikshme është i ndaluar me Ligj Nr.10 463, datë 22.9.2011 “Për menaxhimin e integruar të mbetjeve”, thuhet në deklaratë.
Pranë Ministrisë së Mjedisit nuk ekziston asnjë proçes administrativ për reklamim të humbjes së kontenierëve gjatë tranzitit ose mosrakordim i numrit të kontenierëve në hyrje me ato në dalje.
Ky reagim vjen në përgjigje të kërkesës së Aleancës Kundër Importit të Mbetjeve.
Ministria publikon edhe listen e bizneseve që bëjnë transportin e mbetjeve në vend.
