Një ditë pas ngjarjes së rëndë në Vlorë, ku u plagos në atentat, 25 vjeçari Inez Harulla policia njofton se ka arrestuar një person. Ai është pikërisht shenjestra e atentatit, Harulla, i cili ka mbetur i gjymtuar dhe po trajtohet nëSspitalin e Traumës. Në njoftimin e policisë nuk ka asnjë informacion për autorët e mundshëm të atentatit.
Më poshtë njoftimi i plotë i policisë së Vlorës
Në vijim të veprimeve hetimore të kryera nga ana e Specialistëve të Seksionit kundër krimeve ndaj personit në Drejtorinë Vendore të Policisë Vlorë për zbardhjen e rrethanave të ngjarjes si dhe për identifikimin dhe kapjen e autorit/ëve të vendosjes së një sasie lënde eksplozive në automjetitin e shtetasit Inez Hajrulla, ku si pasojë e shpërthimit ky i fundit mbeti i plagosur në gjendje të rëndë, ju informojmë se:
Gjatë kqyrjes së mjetit tip “Jeep” në pronësi të shtetasit Inez Hajrulla, mjet të cilit ju vendos dhe shpërtheu lënda eksplozive, në sedilien e shoferit grupi hetimor ka konstatuar dhe sekuestruar në cilësinë e provës materiale një çantë supi brenda së cilës kishte një armë zjarri pistoletë tip ”Glock”, me fishek në fole dhe 17 fishekë në krëhër.
Në këto kushte Specialistët e Seksionit për Krimet e Rënda në D.V.P.Vlorë, kanë bërë arrestimin e shtetasit Inez Hajrulla, 25 vjeç, banues në Vlorë.
I.Hajrulla është shtetas me precedentë të theksuar kriminal si edhe i dënuar më parë për disa vepra të ndryshme penale në fushën e krimeve kundër personit, vjedhje me dhunë dhe trafikim të mjeteve motorike.
Theksojmë se një vit më parë ky shtetas është arrestuar po për të njejtën vepër penale, atë të : ”Mbajtjes paleje të armëve luftarake dhe e municionit”.
Materialet hetimore iu referuan Prokurorisë së Rrethit Gjyqësor Vlorë për veprime të mëtejshme.
