Aktualitet

Mbeti e plagosur në atentatin ndaj Bledar Muçajt, Liçi:Pash vdekjen me sy!


Bëhu pjesë e Grupit Zyrtar të Opinion.al
>> KËTU <<
               Publikuar në : 17:03 - 24/08/21 |
Opi Nion

Një atentat mafioz ka ndodhur mbrëmjen e djeshme në qendër të qytetit të Lushnjes, ku disa persona të armatosur, hapën zjarr në drejtim të lokalit të 34-vjeçarit, Bledar Muçaj, duke lënë të vdekur këtë të fundit dhe plagosur 5 persona të tjerë.

Mes personave të lënduar ishte dhe 24-vjeçarja Sara Liçi.

Liçi ka reaguar nëpërmjet një statusi në rrjete sociale e ka treguar detaje nga ngjarja e rëndë.

Kam parë vdekjen me sy, Zoti më dha një mundësi të dytë. Faleminderit Ledi, Eni dhe një person që më çoi në spital.

Shërim sa më të shpejtë të gjithëve si puna ime”, shkruan Sara.

E reja ka qenë në momente kur ndodhi ngjarja në lokal, e nuk i shpëtoi plumbave që shënjestër kishin Bledar Muçajn. 34-vjeçari baba i 2 fëmijëve, nuk njihej si një person problematik apo me të kaluar kriminale.

Pista e parë hetimore e këtij atentati është lidhja fisnore që ka Muça me Roland Shytin, anëtarin e bandës “Hakmarrje për Drejtësi”./Opinion.al

foto galeri

Pas