Argita Berisha ka folur për mediat, ndërsa një grup mbështetësish janë mbledhur përpara banesës së ish-Kryeministrit. Duke përshëndetur simpatizantët, ajo tha se nisja e vitit të ri me një sfidë të tillë është sa motivuese edhe e vështirë, ndërsa shtoi se Zoti këtë vit ka plane shumë të bukura për Shqipërinë.
“Ju falënderoj për ardhjen dhe gjithë angazhimin tuaj këto ditë të para të Vitit të Ri. Të nisësh Vitin e ri me një sfidë të tillë është shumë e vështirë por dhe motivuese, nuk ka pranga sistemi që mund të burgosin lirinë tuaj, ju jeni misionarët e lirisë suaj, që nga kjo rrugicë do të shtrihet në çdo cep të vendit. Kjo është beteja që do ta fitoni. Jam e bindur që Zoti këtë vit ka plane shumë të bukura për Shqipërinë”, tha vajza e ish-Kryeministrit.
Ndërkohë më herët ishte vetë Berisha që i ka përshëndetur mbështetësit e tij nga ballkoni duke valëvitur edhe
një flamur të PD-së./Opinion.al
