Teksa po hynte në ambientet e Kuvendit, ministri i Brendshëm, Ervin Hoxha u pyet për mungesën e policisë në protestën e punonjësve të Bashkisë së Tiranës para godinës së GJKKO, gjatë vlerësimit të masave të sigurisë ndaj kryebashkiakut Erion Veliaj.
Për mediat, Hoxha tha se nuk ishte protestë e paparalajmëruar siç ka ndodhur në rastet e tjera.
Ai tha se qytetarët që u grumbulluan para ambjenteve të GJKKO ishin simpatizantë.
“Aty ka një shërbim të planifikuar dhe planëzuar. Kjo është detyrë që e bën çdo ditë. Edhe në raste të tjera ka pasur tubime të lajmëruara në formën e protestave. Ata ishin simpatizantë. Policia e Shtetit merr masat për të siguruar Prokurorinë e Posaçme. Ata patën vështirësi pasi aty pati një grumbullim të papritur të simpatizantëve, jo protestues”, tha Hoxha.
