Kryeministri Edi Rama, do vijojë takimet e sotme elektorale në qytetin e Elbasanit.
Por, si në çdo qytet mbështetësit e opozitës kanë dalë në protestë për të penguar mitingun e Ramës.
Disa prej mbështetësve të PD-së e LSI me pankarta e thirrje ‘Rama Ik’ janë mbledhur së bashku për të tentuar bllokimin e rrugës së kryeministrit Rama.
Gjithashtu protestuesit kanë djegur disa flamuj të Partisë Socialiste.
Nga ana tjetër, qindra forca policie si edhe njësitë RENEA janë stacionuar në pika të ndryshme të qendrës së qytetit./ Opinion.al E.Xh.
