Mbërritja e 32 mijë vaksinave, 8 mijë prej tyre të financuara nga BE

Të hënën në mbrëmje mbërritën në Tiranë 32 mijë doza të vaksinës Pfizer. Nga kjo sasi 8 mijë doza janë financuar nga Bashkimi Europian.

Lajmi është dhënë nga vetë delegacioni i BE përmes një postimi në Twitter.

BE bën me dije se deri në fund të gushtit në vendin tonë do të mbërrijnë afro 150 mijë vaksina Pfizer.

“Një tjetër ngarkesë me mbi 8 mijë doza vaksine të Pfizer/BioNTech, të financuar nga BE, mbërritën mbrëmjen e djeshme në Tiranë. Deri në fund të gushtit, në Shqipëri do të mbërrijnë afro 150 mijë vaksina të financuara nga BE” – shkruan delegacioni i BE-së në Shqipëri.