Varianti britanik i koronavirusit ka mbërritur edhe në Kosovë.
Lajmin e bëri të ditur në RTV21, Izet Sadiku, ushtrues i detyrës së drejtorit të Klinikës Infektive.
Sipas Sadikut të infektuarit e kaluan sëmundjen pa ndonjë shqetësim të madh, teksa ka konfirmuar se të infektuar janë vetëm tri raste deri më tani.
Ai shtoi se një hulumtim i publikuar ditë më parë tregon se varianti britanik përveç që përhapet më shpejt, ka dhe vdekshmëri më të lartë.
Po ashtu, Sadiku theksoi se hulumtimet tregojnë se rreth 83% e njerëzve që kanë kaluar Covid-19 kanë imunitet deri në 6 muaj, ndërsa 17% prej tyre mund të riinfektohen edhe para 6 muajve./Opinion.al
