Pasditen e kësaj të marte, janë ulur në pistën e aeroportit “Nënë Tereza” 100 mijë doza të vaksinës kineze Sinovax.
Gjatë fjalës së saj Ministrja e Shëndetësisë Ogerta Manastirliu është shprehur se përveç 100 mijë dozave të vaksinës kineze pritet që pas dy javësh të vijnë edhe 10 mijë të tjera, ç’ka do të lehtësojë procesin e vaksinimit masiv.
“Falë përpjekjeve të kryeministrit dhe qeverisë ne vendosëm që vaksinat Sinovac u ulën në Shqipëri, por nga kjo vonesë, u shtyn 48 orë procedurat e vaksinave. Nëse s’do të kishim këto vaksina në kohë, sepse dinim se çfarë lufte bërrylash bëhet, sepse një vend tjetër i merr. Ne kemi sjellë vaksinat në një kohë të shpejtë, ti kemi sot dhe të vijojmë planin tonë për vaksinimin masiv, na duhet koha e nevojshme qoftë e dokumentacionit, mekanizimit, shpërndarjes dhe të vijojmë hapjen e fashave 60 dhe 65 vjeç dhe punonjësit e shërbimeve kritike. 192 mijë nga Sinovac, pas dy javësh kemi dhe 100 mijë, që i shërbejnë vaksinimit të popullatës, në përpjekje të kemi kryer vaksinime në muajin maj, për të mbërritur në punën tonë brenda pranverës së ardhshme”, u shpreh
Ministrja e Infrastrukturës Belinda Balluku, u shpreh se nga sot aeroporti është i hapur për fluturime shtetërore, diplomatike, ushtarake. Ajo shtoi se fatmirësisht me rivendosjen në funksionim të aeroportit u bë e mundur edhe mbërritja e vaksinave.
“Padyshim sot është si gjithmonë kur mbërrijnë vaksinat është një ditë e veçantë. Vaksinat u ulën në Rinas, për shkak të një protestë të paligjshme të punonjësve. Sot bëmë ulje ngritje për fluturime speciale, ku parashikohen fluturime shtetërore, humanitare, ushtarake dhe Air Albania që është më i rëndësishmi dhe sjell vaksina. Ngjarja e paprecedentë pritej ditën e djeshme ardhja e vaksinës së dytë të 100 mijë dozave”, tha Balluku.
Ministri Arben Ahmetaj i cili ishte i pranishëm në pritjen e vaksinave tha se Këshilli i Ministrave, ka dhënë miratimin që në Shqipëri të mbërrijnë të hënën ose të martën e javës së ardhshme, 50 mijë doza të vaksinës ruse Sputnik V.
“Askush s’do të na ndalojmë të bëjmë 500 mijë vaksinime për shqiptarët. Numrat janë në rënie, kemi filluar ta mundim atë flamë, plani i vaksinimit do të vijojë me shpejtësi për të arritur objektivat që kemi. Jemi duke negociuar me vende mike, prodhues, dje kemi marrë nga Këshilli i Ministrave për të negociuar për 50 mijë doza Spuntik, që vijnë javën e ardhshme. Shqiptarët e shohin që përpjekja është e madhe dhe intensive. Përpjekja e kullës, për të bërë sabotuar sjelljen e vaksinave dështoi dhe ne do të vazhdojmë me të njëjtën ritëm vaksinimin e qytetarëve shqiptarë”, theksoi Ahmetaj./Opinion.al
