12,870 doza të vaksinës Pfizer kanë mbërritur mbrëmjen e sotme në Shqipëri.
Lajmi është bërë i ditur nga kryeministri Edi Rama përmes një postimi në faqen e tij zyrtare në “Facebook”.
Rama shkruna se deri më tani në vendin tonë kanë mbërritur në total 773 mijë doza vaksinash.
“Aeroporti “Nënë Tereza” – Sapo kanë mbërritur edhe 12,870 doza të vaksinës Pfizer, duke e çuar në mbi 773 mijë sasinë e vaksinave të ardhura deri tani në Shqipëri”-shkruan Rama.
Javët e fundit në vendin tonë është ulur ndjeshëm numri i viktimave dhe rasteve me COVID-19. Sot ministria e Shëndetësisë njoftoi se humbën jetën 3 persona, teksa u shënuan 17 raste me COVID-19.
