100 mijë doza të vaksinës AstraZeneca kanë mbërritur ditën e sotme në vendin tonë. Lajmin e ka bërë të ditur vetë Ministrja e Shëndetësisë dhe Mbrojtjes Sociale, Ogerta Manastirliu, teksa njofton se këto vaksina vijnë nga Greqia.
“100,000 doza të vaksinës AstraZeneca sapo kanë mbërritur në Institutin e Shëndetit Publik, falë solidaritetit dhe mbështetjes së qeverisë së Republikës së Greqisë për Shqipërinë”, shkruan Manastirliu në postimin e saj.
Manastirliu bënë me dije në statusin e saj në rrjetet sociale se janë mbi 1.2 milionë vaksina anticovid të mbërritura në Shqipëri deri tani, ndërkohë që shkruan se do të vijojmë pa u ndalur me planin kombëtar të vaksinimit, derë më derë, për mbrojtjen e jetës dhe shëndetit të qytetarëve.
Postimi i ministres Manastirliu:
100,000 vaksina AstraZeneca sapo kanë mbërritur në Institutin e Shëndetit Publik, falë solidaritetit dhe mbështetjes së qeverisë së Republikës së Greqisë për Shqipërinë???????
? 1,220,070 vaksina anticovid kanë mbërritur deri tani në Shqipëri. Jemi të vendosur për të vijuar pa u ndalur me planin kombëtar të vaksinimit, derë më derë, për mbrojtjen e jetës dhe shëndetit të qytetarëve./Opinion.al
