Kryeministri Edi Rama ka zhvilluar një mbledhje me qeverinë e tij në qytetin e Shkodrës. Teksa pritej të dilte në një konferencë për shtyp për të publikuar këto vendime, Rama u shpreh se këto do të bëheshin publike ditën e nesërme. Ai tregoi se për Shkodrën janë akorduar 34 bursa studimi për nxënësit e dalluar si edhe ata që vijnë nga familje me ndihma ekonomike.
Rama njoftoi gjithashtu se qeveria do të vijojë qëndrimin edhe ditën e nesërme në Shkodër, duke zhvilluar disa aktivitete dhe takime me qytetarët.
