Nga Shkodra, kryeministri Edi Rama theksoi se me anë të teknologjisë do largohen inspektorët tatimorë nga dyert e bizneseve.
Në takimin e tij në këtë qytet, Rama tregoi një episod që lidhet me inspektorët, ku sipas tij tha se ata nuk bëjnë punën e tyre por përfitojnë nga bizneset.
“Mua nuk më del e keqja pa u larguar hija e inspektorëve nga dyert e bizneseve. Ka rënë shumë sepse unë përpiqem ta imagjinoj. Njeriu shkon në dyqanin e vet, ka 100 kumrie mbi kokë, normal konkurrenca.
Dhe vetëm kur të vjen njoni aty edhe thotë tashti të shohim…Kjo është e papërtypshme. Më kujtohet gjithmonë një skenë e jashtëzakonshme me një grup inspektorësh. Kishin shku te një pastiçeri edhe është reale kjo…Më shkruan ajo zonja e pastiçerisë në Durrës, më çoi mesazh.
O kryeministër tha të lutem a mund të largohen këta inspektorët se po më mbarojnë akulloren. Edhe unë i çova një ikonë me t’qeshme se thashë humor. S’ishte humor, ajo më çon video. 4 veta në tavolinë, kishin një tas të madh me akullore dhe e hanin nga tasi. Njëri kishte nga ato letrat e biznesit me demek dhe flisnin për shifrat”, tregoi Rama.
