Aktualitet

Mbaron seanca e KPA për Zaganjorin, çfarë u kërkua


               Publikuar në : 16:50 - 25/06/19 |
Al Do

Përfundoi seanca e Kolegjin e Posaçëm të Ankimimit për kryetarin e Gjykatës së Lartë, Xhezair Zaganjori. Kjo seancë vjen pas ankimimit të vendimit të KPK nga Komisioneri Publik.

Pas seancës vetë Zaganjori në një prononcim për mediat u shpreh me qetësi se ai do të veprojë në respekt të ligjit pavarësisht se çështja e tij me institucionet e drejtësisë vazhdon prej një viti.

“Unë respektoj ligjin, sepse kështu është formimi im, të gjithë jemi në pritje. Jam në proces, përpiqem të bëj më të mirën. Por kini parasysh se hetimet janë të imtësishme, bëhen fjalë edhe për një dokument të thjeshtë që të merr disa muaj kohë për ta siguruar. Nuk është e lehtë që të gjendet dokumentacioni, për një banesë para 30 vitesh. Gjeta kontratën e sipërmarrjes. Dorëzova fotografi, ku për fat kanë dhe datë. Tregon kohën e saktë të kohës së ndërtimit. Unë mendoj që janë prova, tani do e vërtetojnë ato”, tha Zaganjori.

KPK konfirmoi në detyrë Zaganjorin më 24 korrik të vitit të shkuar. Megjithatë me rekomandim nga ONM, Komisioneri Publik ankimoi vendimin. Sipas tij gjyqtari ka probleme me deklarimin e disa pasurive si shtëpia, një dyqan, garazhi dhe një bibliotekë. Për këto është kërkuar edhe shkarkimi i Zaganjorit. Tashmë pritet që KPA të shprehet lidhur me këtë çështje. /Opinion.al

Pas