Kreu i PD-së Sali Berisha ka kërkuar fjalën dhe ka zënë foltoren e Kuvendit për t’iu përgjigjur kryeministrit Edi Rama, por kryetarja e Parlamentit Lindita Nikolla i mbylli mikrofonin.
Në fjalën e tij Berisha iu drejtua Ramës duke i thenë se në kohën që Kosova mbulohej me gjak, kreui qeverisë shiste ikona të vjedhura në Paris.
“Kur ky hallaci 2 metra i gjatë shiste ikona të vjedhura në Paris, Kosova mbulohej me gjak. Kosova mbulohej me gjakun e bijve të saj. Kur ky shiste ikona të vjedhura në Paris, mbahej me ikonat e vjedhura, në sarajet e Surrelit ka ikonat e vjedhura. Shkoni pyesni Fatos Nanon. Kur ky dymetroshi është siç është, mund ti them shumë fjalë, por nuk dua, I them vetëm kaq: kur djemtë e Kosovës derdhnin gjak ti shisje ikonat e vjedhura dhe spiunoje emigrantët në Paris. Po, po. Kur Partia Demokratike shpallte moton “një komb një qëndrim” dhe mbështeste UÇK, ti shisje ikona të vjedhura o mjeran. Edhe çdo kurorë po more, përsëri mbetesh një hajdut ordiner që e nise jetën tënde duke shitur ikona të vjedhura”, ka deklaruar Berisha duke iu drejtuar Ramës, i cili hodhi akuza të ashpra ndaj tij dhe opozitës”-tha Berisha.
Rama në fjalën e tij akuzoi opozitën se i ka shitur nafte Millosheviçit.
“Historia të del përpara. Ju thotë jeni të padëshirueshëm. Mbaroj historia jote, ik tani! Çoi naftë Millos atje. E bëtë Hashim Thaçin terrorist. Ktheve Shqipërinë në pronë private por të vjen historia përpara. Ja si vjen, si nisi kjo punë. Paska nis nga Kremlini dhe na e paskan votuar këta. Asnjë fjalë për Dick Martyn. Ju jeni gati të shkoni në Këshill të Evropës të thoni shqiptarët janë mafie. Ndërkohë që ju përpiqeni ta shpëtoni, dilni non-grata dhe të padëshirueshëm. Së shpejti vjen gjëja, opa afrohet dhe pastaj vjen këtu. Ju do luftoni për sovranitetin për ta përdorur flamurin e Shqipërisë si leckë si gjethe fiku”-tha Rama.
