Robert Lewandowski siguroi dy trofe në eventin e mbajtur në Dubai të “Globe Soccer Awards”. Ceremonia u zhvillua në rrokaqiellin Burj Khalifa dhe të pranishëm ishin figura të rëndësishme të botës së futbollit.
Kapiteni i Polonisë mori çmimin “Diego Maradona”për më shumë gola të shënuar në një vit kalendarik dhe “ Futbollisti i Vitit” nga fansat e Tik Tok.
Por lojtari i vitit 2021 në këtë event u shpall Kylian Mbappe, që ka bërë diferencën me golat e tij te PSG-ja e yjeve. Roberto Mancini u shpall Trajneri i Vitit, kurse Italia e tij kombëtarja e vitit 2021. Skuadra e Chelsea për meshkuj dhe e Barcelonës për femra u pëzgjodhën si më të mirat në këtë event.
Cristiano Ronaldo mori vlerësimin si “Golashënuesi më i mirë i të gjitha kohërave”, por trofeun e tij e mori agjenti Jorge Mendes.
Portieri më i mirë u shpall Gigio Donnarumma, ndërsa Leonardo Bonucci “Mbrojtësi më i mirë”. “Futbollistja e Vitit 2021” u përzgjodh mesfushorja 27-vjeçare e Barcelonës, Aleksia Putellas.
Klan News
