Sulmuesi i PSG, Kilian Mbappe, një ndër lojtarët më të mirë në futbollin botëror, tashmë është bërë një kërcënim seriozë për “fronin” e Ronaldos dhe Messit.
Ylli francez po kërcënon dy më të mëdhenjtë e dekadës së fundit duke treguar një rritje të vazhdueshme ndërsa shpesh është krahasuar edhe me mbretin e futbollit Pele.
Sipas statistikave, Mbappe shumë shpjet do të dominojë skenën e futbollit për të paktën 10-15 vitet e ardhshme. Aktualisht francezi ka mbi shpinë 20 vjet, ndërsa në karrierën e tij si profesionist, me Monacon, PSG-në dhe kombëtaren e Francës, numëron plot 94 gola të shënuar, 12 prej të cilëve me “gjelat”.
Kujtojmë se,pasi mbushi 21 vjeç, Cristiano Ronaldo kishte shënuar 36 gola për klubin dhe kombëtaren ndërsa Lionel Messi kishte shënuar 50 gola për klubin dhe Argjentinën. Kylian Mbappé nuk është ende 21 vjeç, pasi i mbush më 20 dhjetor, por ka shënuar 94 gola për klubin dhe Francën.
Mjaftojnë këto statistika që mediat botërore sportive ta “pagëzojnë” francezin si lojtari i cili do të kap majat e futbollit botëror. / Opinion.al E.Xh.
