Sport

Mbape dhe Neymar, tashmë dhe Tuchel nuk është i sigurtë për të ardhmen


               Publikuar në : 15:44 - 23/05/19 |
Al Do

E ardhmja e Mbape dhe Neymar sa vjen e duket më larg PSG. Megjithëse zyrtarë të klubit kanë deklaruar se të dy lojtarët janë të blinduar dhe nuk do të jenë pjesë e transferimeve në merkato, dita ditës jepen shenja të reja se ata mund të largohen.

Deklarata e fundit e cila hedh dyshime është ajo e trajnerit të PSG, Tomas Tuchel. I pyetur përpara ndeshjes së fundit të kampionatit mbi të ardhmen e dy yjeve të Parisit Tuchel tha se ‘transferimet janë pjesë e futbollit. Po të ishte për mua do të doja që të qëndronin, por nëse largohen atëherë do të gjejmë zgjidhje të tjera”.

Kjo deklaratë e kreut të pankinës së PSG vjen pas dyshimeve që vetë Mbape hodhi mbi të ardhmen e tij javës së shkuar. Talenti francez deklaroi se kërkonte të kishte më shumë përgjegjësi në të ardhmen qoftë edhe larg Parisit.

Megjithatë lëvizja e Neymar ose Mbape nuk është thjeshtë çështje vullneti por edhe një sipërmarrje financiare tepër e madhe. Kartonat e lojtarëve vlejnë rreth 200 milion euro, një shifër e çmendur qe jo pak klube janë gati ta paguajnë.

Interes për dy nga sulmuesit më të mirë në botë kanë shprehur Reali i Madridit, Juventus dhe Liverpool por ende nuk ka një ofertë zyrtare. / Opinion.al

Pas