Mbante të fshehur armë zjarri në garazhdin e tij, vihet në pranga 45-vjeçari K. Dh., 45 vjeç, banues në Tiranë. Policia sekuestroi në banesën e tij një armë zjarri pistoletë, një shkop gome si të policisë dhe 1 shkop bejsbolli.
“Finalizohet nga Komisariati i Policisë Nr. 6, operacioni policor i koduar “Garage”. Mbante të fshehur armë zjarri në garazhdin e tij, vihet në pranga 45-vjeçari K. Dh., 45 vjeç. Gjatë kontrollit të garazhit dhe të banesës së 45-vjeçarit, në rrugën “Teodor Keko”, shërbimet e Policisë gjetën dhe sekuestruan në cilësinë e provës materiale, një armë zjarri pistoletë e modifikuar për ti vendosur silencator, një shkop gome si të policisë dhe 1 shkop bejsbolli.
Specialistët për Hetimin e Krimeve të Komisariatin të Policisë Nr. 6, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative, se një shtetas mbante armë zjarri dhe sende të paligjshme në garazh dhe në banesë, kanë organizuar punën dhe kanë finalizuar operacionin policor të koduar “Garage””, thuhet në njoftimin e policisë.
Materialet procedurale iu referuan Prokurorisë, për veprime të mëtejshme.
