Një shpërndarës droge në rrugën e Durrësit në Tiranë ka rënë në prangat e policisë.
Ai u arrestua në kuadër të operacionit antidrogë i koduar “HOSTAGE”. Policia njofton se u kap në flagrancë shtetasi E. J., 41 vjeç, banues në Tiranë.
Ky shtetas është kapur në flagrancë me doza kokaine. Pas kontrollit të ushtruar më pas në banesën e të dyshuarit u gjetën dhe u sekuestruan në cilësinë e provës materiale dy qese më kokainë (306.6 gramë).
Gjithashtu, gjatë kontrollit në banesë iu gjetën 1,500 euro, 46,000 lekë, si edhe 14 celularë, që shpërndarësi ia mbante si peng personave të ndryshëm, në shkëmbim të kokainës.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e lëndëve narkotike.” /Opinion.al
