Një unazë floriri që mbahej në garazhin e shtëpisë nga një 81-vjeçar u zbulua se ishte një objekt i çmuar i periudhës së Mesjetës me vlerë 10 mijë paund.
Më 1979, teksa punonte tokën në oborrin e shtëpisë në Aylesbury, Buckinghamshire, Tom Clark gjeti një unazë të cilës nuk i vuri shumë rëndësi dhe e la në një kanoçe metalike në grazhdin e shtëpisë. Ajo qindori aty deri sa u rigjet pas dekadash nga Clark teksa ai pastronte garazhin.
Këtë herë ai vendosi të pyeste për vlerën e saj dhe zbuloi se ajo ishte një artifakt mesjetar 670 vjeçar, që datonte në vitin 1350.
Unaza e shekullit të 14-të mban një mbishkrim në latinisht dhe ka të një imazh të gdhendur në të. Sipas ekspertit Mark Becher aty shkruhet, NVNCIE.VERA.TEGO, që mund të përkthehet “Unë fsheh mesazhin e vërtetë”.
Më 27 Gusht ajo do të dalë në ankand duke filluar nga vlera 8,500 deri në 10,000 paund.
“E kisha harruar plotësisht. Në atë kohë nuk e kisha kuptuar që unaza mund të kishte diçka të veçantë. Ishte pis dhe e deformuar kur e nxora nga toka. E çova në një muze sëbashku me disa unaza të tjera që kisha gjetur gjatë asaj periudhe. Kur u riktheva pas një javë, më thanë që unazat ishin thuajse të gjitha moderne dhe mi kthyen mbrapsht. Kështu i vendosa të gjitha në një kanoçe dhe i lashë në garazhin e shtëpisë së nënës time, ku jetoja në atë kohë. Në atë kohë isha në të 30-at e mia.
Disa muaj më parë po nxirrja disa gjëra nga garazhi im, që kishin ardhur nga shtëpia e nënës time dhe aty ndodhej edhe kanoçja me unazat. E çova tek muzeu lokal dhe tashmë gjetja është regjistruar. Duhet të ketë qenë e dikujt me rëndësi për shkak të dekorimit dhe cilësisë”.
Imazhi në këtë unazë i përket Zotit Mars, i cili mban një shtizë dhe një trofe. Unaza është e rrallë dhe elegante. Do doja shumë të dija kujt i përkiste”, tha 81-vjeçari për The Independent. /Opinion.al
