Qytetarët e Kroacisë i drejtohen sot kutive të votimit për të zgjedhur presidentin. Në garë për postin e kreut të shtetit janë 11 kandidatë por sipas sondazheve 3 janë emrat kryesorë që pritet të zgjidhen.
Presidentja aktuale Kolinda Grabar-Kitarovic, kandidon për një mandat të dytë 5-vjeçar. Ajo ka shërbyer më parë si ministre e Jashtme e vendit, ambasadore në SHBA dhe ndihmës-sekretare e përgjithshme për diplomacinë në NATO.
“Kur fitova zgjedhjet, 5 vite më parë, zyra e Presidentit ishte një kaos total. Sot, Kroacia është më mirë, por unë nuk jam e kënaqur akoma. Besoj se mund të bëjmë më shumë”, tha ajo.
Kandidati tjetër kryesor është socialdemokrati Zoran Milanovic. Ai ka shërbyer si kryeministër në vitet 2011-2015 por qeveria e tij ra si pasojë e krizës ekonomike që përfshiu Kroacinë.
“Pas fitores time, synim do të jetë të fitoj besimin e atyre që nuk më votuan. Shpresoj që populli të votojë për një Kroaci normale”, ishte thirrja e tij.
Në garë për presidencën është dhe Miroslav Skoro. Ai është një ish-këngëtar fol dhe deputet prej vitit 2008 në parlamentin kroat. Skoro ka paralajmëruar ndryshime kushtetuese nëse fiton zgjedhjet. Sipas tij presidenti duhet të ketë më shumë kompetenca.
“Nuk më duhet një raund i dytë se unë do të fitoj shumicën që në raundin e parë, ndaj mos të harxhojmë kot para të e popullit”, deklaroi ai në tubimin e fundit elektoral.
Dy fituesit me përqindjen më të madhe të votave do i drejtohen balotazhit të datës 5 janar. /Opinion.al
