Kryeministrja britanike, Theresa May, të mërkurën, deklaroi se kabineti ka mbështetur projekt-marrëveshjen e tërheqjes së Britanisë së Madhe nga BE-ja.
May tha se ishte një debat i gjatë, i detajuar dhe pasionant në një takim që zgjati pesë orë me ministrat, si dhe negociatorët e BE-së.
Sipas saj, ky është një hap vendimtar për përparimin e Brexit, si dhe do të lejonte marrëveshjen të finalizohej në ditët në vijim.
Mësohet se pika e fërkimit gjatë bisedimeve ka qenë kufiri i Irlandës së Veriut.
Çdo marrëveshje duhet të miratohet nga ministrat, deputetët e Mbretërisë së Bashkuar dhe çdo shtet anëtar i BE-së.
Britania e Madhe do të largohet nga Bashkimi Europian të premten më 29 mars 2019.
