Maturantët kanë protestuar duke shprehur pakënaqësitë e tyre për testin e matematikës që u zhvillua një ditë më parë.
Në Tiranë maturantët protestuan para ministrisë së Arsimit, teksa bllokuan rrugën e “Durrësit”. Ata kërkojnë rishikimin e pikësimit për testin e matematikës ose përsëritjen e testit, pasi sipas tyre ka qenë i nivelit shumë të vështirë.
Nxënësit thanë se prej një viti pjesën më të madhe të mësimit e kanë bërë online dhe më pak të alternuar, ndaj dhe për këtë arsye ata kanë pritur një test tjetër jo vetëm në lëndën e matematikës por edhe në provimet e tjera të maturës shtetërore.
Pjesa më e madhe e tyre kanë shprehur indinjatën pasi iu rrezikohet kërkesat që ata kanë për të shkuar në programet e kërkuara prej tyre. Protesta të tilla të ngjashme janë zhvilluar edhe në shkollat e tjera të mesme të juglindjes së vendit.
