Ministria e Arsimit ka njoftuar për ndryshimet që do të ketë matura shtetërore këtë vit.
Ministria ka njoftuar se për herë të parë korrigjimi i testeve do të jetë elektronik, ndërsa do të ketë edhe shtim të numrit të pyetjeve me alternativa. Krahas provimeve me detyrim këtë vit nga lista e zgjedhjeve janë përjashtuar disa prej lëndëve, kryesisht ato programe mësimore të avancuara që janë zhvilluar gjatë vitit.
Gjimnazistët janë njoftuar paraprakisht për ndryshimet që do të kenë testimet këtë vit, ndërsa janë publikuar edhe datat e provimeve. Kështu me 7 qershor do të zhvillohet provimi i anglishtes, me 12 qershor provimi i letërsisë dhe gjuhës shqipe, me 17 qershor provimi i matematikës, dhe me 24 qershor provimet e lëndëve me zgjedhje./Opinion.al
