Rreth 28 mijë maturantë do të testohen këtë të hënë për njohuritë e tyre në lëndët Gjuhën Shqipe dhe Letërsi.
Lajmin e ka bërë të ditur ministrja e Arsimit dhe Sportit, Ogerta Manastirliu me anë të një postimi në rrjete sociale ku ka uruar të gjithë maturantët që zhvillojnë sot këtë provim.
“SUKSESE të gjithë maturantëve, që zhvillojnë sot provimin e rëndësishëm të Gjuhës Shqipe dhe Letësisë”, shkruan Manastirliu.
Pas provimit të parë të Gjuhës së Huaj i cili u zhvillua vetëm një javë më parë, gjimnazistët do të duhet t’i japin zgjidhje pyetjeve me alternativa dhe zhvillim në lëndën Gjuhë dhe Letërsi.
Testi përmban gjithsej 60 pikë dhe do të zgjasë 2 orë e 30 minuta.
