Zëvendës Ndihmës Sekretari Amerikan i Shtetit, Matthew Palmer është takuar sot me kryetarin e Partisë Demokratike Lulzim Basha. Ai shkoi në selinë e Partisë Demokratike rreth orës 13:50, ndërsa takimi nuk zgjati më shumë se 60 minuta.
Palmer shoqërohej nga e ngarkuara me punë e SHBA-së në Shqipëri, Leyla Moses Ones. Në oborrin e selisë së Partisë Demokratike, ai është takuar me Oerd Bylykbashin dhe Aldo Bumçin. Në përfundim të takimit, nuk ka pasur asnjë deklaratë për mediat.
Palmer ka thënë sot gjatë një takimi me gazetarë se nuk ka ardhur në Shqipëri me një platformë për zgjidhjen e krizës politike. Ai është shprehur se vendi ka një qeveri legjitime dhe se opozita duhet të marrë pjesë në zgjedhjet lokale, duke paraqitur kandidatët e saj./Opinion.al
