Zëvendëskryeministri italian Matteo Salvini në një dalje për media është shprehur se Italia është duke shkuar drejt zgjedhjeve të parakohshme.
Salvini e ka cilësuar si jo të dobishme vijimin e qeverisjes së maxhorancës aktuale duke, duke theksuar se për këtë ka vënë në dijeni dhe kryeministrin Konte.
Zëvendëskryeministri dhe njëherësh ministri i Brendshëm, shprehet se ndjehet i fyer nga mazhoranca, ndërsa shton se punimet për zgjedhjet e parakohshme duhet të nisin sa më shpejtë.
“Mazhoranca nuk ekziton më, zgjidhja e vetme janë zgjedhjet e parakohshme. E kotë të ecim para së bashku mes grindjeve e përgjigjeve negative si ka ndodhur gjatë javëve të fundit. Italianët kanë nevojë për qartësi e një qeveri që ja del. Nuk kërkojmë poste apo ministra më shumë , as qeveri teknike, pas kësaj qeverie që ka bërë shumë e vetmja mundësi janë zgjedhjet e parakohshme. Të njëjtën gjë ia bëra të qartë dhe sot kryeministrit Konte. Nuk ka më mazhorancë siç e dëshmoi votimi mbi TAV e fyerjet ndaj meje e Lidhjes nga “aleatët” tanë qeverisës, prandaj ja japim fjalën zgjedhësve. Pushimet nuk janë një shkak për të humbur kohë parlamentarët ( vetëm nëse nuk duan të humbin kolltukun) mund të kthehen në punë që javën që vjen siç kanë bërë miliona italianë”,-shprehet Salvini./ Opinion.al E.Xh.
