Kompania kineze Huawei do të prezantojë telefonin e ri Mate 30 në Mynih të Gjermanisë. Kjo është pajisja më e re e kësaj kompanie, që kur Shtetet e Bashkuara e bënë pjesë të listës së zezë tregtare, në muajin maj.
Blerësit e Mate 30 nuk do të jenë në gjendje të shfrytëzojnë shërbimet e Google Mobile për të përdorur Play Store, dhe për të shkarkuar aplikacione si Gmail, Youtube ose Maps. Në vend të kësaj, Huawei do të ofrojë faqen e vet që do t’i lejojë përdoruesit të hyjnë në disa aplikacione të Google.
Kjo pasi Uashingtoni ndaloi firmat amerikane të furnizojnë Huawein, duke pretenduar se kompania është një rrezik i sigurisë kombëtare, pasi pajisjet e saj mund të përdoren nga Pekini për të spiunuar, fakt ky që Huawei e ka mohuar vazhdimisht.
Prodhuesi i dytë më i madh në botë i telefonave smartphone pretendon se sanksionet e SHBA-së t’i kushtojnë 10 miliardë dollarë./Opinion.al
