Një ngjarje e rëndë është shënuar mbrëmjen e djeshme në rrethin e Matit në liqenin e Ulzës.
Një 23-vjeçar i identifikuar me iniciale A.C. është vetëmbytur në liqen që ndodhej shumë pranë banesës së tij.
Sipas informacionit tëpolicisë nga deklarimet e familjarëve, i riu vuante nga depresioni. Forcat e policisë në bashkëpunim me familjarët kanë bërë të mundur nxjerrjen e trupit nga liqeni, teksa nga këqyrja paraprake e trupit të viktimës nuk janë konstatuar shenja dhune.
“Me datë 22.01.2021, rreth orës 22.15, shtetasi A. C., 23 vjeç, dyshohet se është vetëmbytur në liqenin e Ulzës, në afërsi të banesës së tij në fshatin Urakë, ku sipas deklarimeve të familjarëve vuante nga depresioni.
Forcat e policisë në bashkëpunim me familjarët kanë bërë të mundur nxjerrjen e trupit nga liqeni, ku nga kqyrja e trupit të viktimës nuk janë konstatuar shenja dhune. Në përfundim të veprimeve të para hetimore dyshohet se shkaku i vdekjes ka ardhur si pasojë e mbytjes në ujë. Materialet procedurale u referuan në Prokurorinë e Rrethit Mat për ngjarje aksidentale”, njofton policia./Opinion.al
