Masimiliano Allegri nuk do të jetë më në krye të pankinës së Juventusit. Lajmi është bërë zyrtar nga vet klubi, i cili nëpërmjet një postimi në faqen zyrtare njofton largimin e trajnerit dhe konferencën për shtyp ditën e nesërme në orën 14:00 ku do të jenë të pranishëm presidenti Agnelli dhe vetë Allegri.
Largimi i Allegrit nga pankina e “Zonjës së Vjetër” vjen pas fitimit të kampionatit për të pestën herë radhazi por dështimin në Champions League.
Zërat për largimin e tij u shtuan më së shumti ditët e fundit kur u përfol për një kalim të mundshëm tek PSG dhe rikthimin e Antonio Contes në Torino pasi ky i fundit kishte hezituar të firmoste për pankinën e Interit.
Gjatë rrugëtimit të tij 5-vjeçar me Juventusin Allegri fitoi 5 skudeto, 4 Kupa Italie dhe 2 Superkupa Italie.
Ditët në vijim pritet të kenë zhvillime të rëndësishme porsa i përket lëvizjes së trajnerëve. Për Allegrin janë interesuar disa klube të rëndësishme europine ku kryeson si favorit PSG-ja e cila është e gatshme ti pagojë atij 15 milion euro në sezon.
Tashmë lajmi tjetër që presin tifozët juventin është se kush do ti udhëheqë në misionin champions për sezonin e ardhshëm. / Opinion.al
