Një makinë tip “Benz” është grabitur dhe më pas është djegur nga persona ende të paidentifikuar në Lezhë.
Ngjarja ka ndodhur mbrëmjen e së enjtes në Balldre të Lezhës. Policia bën me dije se shtetasi Nikolin Kola, punonjës i Bordit të Kullimit në Lezhë, ka qenë duke udhëtuar me makinën e tij, kur dy persona i kanë dalë përpara dhe duke e goditur me qytën e pistoletës, e kanë zbritur nga makina.
Autorët pasi kanë rrëmbyer mjetin, e kanë djegur 2 kilometra më tej. Mjeti tip “Benz” është shkrumbuar i gjithë. Policia ende nuk ka rënë në gjurmët e autorëve, pasi përveç dëshmisë së Kolës i cili ka deklaruar se kanë qenë dy persona, nuk ka asnjë të dhënë tjetër./Opinion.al
