Një 34-vjeçar është arrestuar nga Policia e Tiranës, ndërsa një tjetër është shpallur në kërkim pasi kanë tentuar t’i marrin një shtetasi 6 mijë euro nëpërmjet mashtrimit në rrjetet sociale.
Sipas policisë në pranga ka rënë shtetasi me inicialet T.Y, banues në Tiranë për vepren penale “Mashtrimi”, ndërsa në kërkim është shpallur bashkëpunëtori i tij, shtetasi F.Gj., 39 vjeç.
Mësohet se dy shtetasit në bashkëpunim me njëri-tjetrin, duke u prezantuar si persona të tjerë, i kanë kërkuar shtetasit F. B., 33 vjeç, shumën prej 6000 eurosh.
Njoftimi i plotë
Vijon puna për evidentimin dhe goditjen e paligjshmërive në fushën e krimit ekonomik.
Finalizohet nga Seksioni për Hetimin e Krimeve Ekonomiko-Financiare të DVP Tiranë, operacioni policor i koduar “Fiction”.
U prezantuan me identitet të rremë në një rrjet social, për t’i marrë një shtetasi nëpërmjet mashtrimit, 6000 euro, identifikohet dhe vihet në pranga 34-vjeçari, shpallet në kërkim bashkëpunetori i tij.
Specialistët për Hetimin e Krimeve Ekonomiko-Financiare të DVP Tiranë, në vijim të punës për goditjen e paligjshmërive, pas kallëzimit të marrë nga një shtetas se në një rrjet social 2 persona të paidentifikuar i janë prezantuar me identitetin e një shtetasi tjetër dhe duke e mashtruar, i kanë kërkuar një shumë parash prej 6000 eurosh, menjëherë kanë organizuar punën për identifikimin, kapjen dhe ndalimin këtyre shtetasve në kuadër të operacionit policor të koduar “Fiction”.
Si rezultat i këtij operacioni u arrestua shtetasi T. Y., 34 vjeç, banues në Tiranë, për veprën penale “Mashtrimi” dhe u shpall në kërkim bashkëpunëtori i tij, shtetasi F. Gj., 39 vjeç, pasi dyshohet se në bashkëpunim me njëri-tjetrin, me anë të mashtrimit në një rrjet social, duke u prezantuar si dikush tjetër, i kanë kërkuar shtetasit F. B., 33 vjeç, shumën prej 6000 eurosh.
Vijon puna për kapjen e shtetasit F. Gj./Opinion.al
