Në emisionin e kësaj të premteje Rudina Magjistari kishte të ftuar në studion e saj Edlir Reka, një i ri që u prezantua si një piktor i suksesshëm që kishte marrë një çmim të rëndësishëm në Moskë, për të cilin u shpreh krenar që ja dhuroi një çmim të tillë vendit të tij.
Pas kësaj duket se moderatorja është përballur me skandalin e një mashtrimi dhe për këtë fakt ka reaguar me një status në Story-n e saj në Instagram, ku i drejtohej vetë Edlirit, që të kërkonte ndjesë përpara publikut dhe të pranonte që kishte mashtruar.
E kontaktuar nga opinion.al, me keqardhje Magjistari e pranoi se ato piktura janë një mashtrim, pasi janë punë të autorëve të tjerë të huaj te trajtuara nga Edliri sikur ishin punë të tij. Madje edhe piktura për të cilën Edlir Reka pretendoi se kishte fituar një çmim të rëndësishëm në një muze në Moskë nuk ishte vepër e tij.
Magjistari tha se nuk kishte djeni për këtë gënjeshtër, por ndjekësit e saj e kishin informuar pas emisionit për këtë gjë edhe pse Reka i publikonte punimet në rrjetet sociale si të tijat. Vetë moderatorja i ka hyrë më pas një kërkimi të detajuar dhe ka zbuluar se i riu shqiptar nuk është autor i veprave për të cilat pretendon. Përkundrazi, ai thjeshtë ka fotografuar punë të autorëve të tjerë të cilat i ka trajtuar sikur të ishin të tijat.
Reka ka qënë në disa emisione i ftuar dhe pas kësaj ngjarje ai ka mbyllur në privat profilin e tij në instagram, në të cilin ende paraqitet si fituesi i një çmimi në Muzeune Arteve në Moskë. /G.Z
Më poshtë disa foto ku duken pikturat reale të autorëve dhe ato që Reka paraqitit si të tijat:
https://www.pictorem.com/162627/Boats.html
