Zbulohet një skemë mashtrimi me TVSH-në (Tatimin mbi Vlerën e Shtuar) në sektorin e tregtisë dhe ndërtimit. Dëmi është marramendës, rreth 1 milion dollarë. Në këtë skemë janë përfshirë një numër i konsiderueshëm subjektesh tregtare.
Me kërkesë të prokurorisë, sot gjykata e Tiranës ka vendosur “arrest me burg” për administratorin e subjektit “Kristina” sh.p.k. Ndërsa është dhënë “arrest shtepie” për një kontabiliste, një agjente doganore dhe ortaken e vetme të shoqërisë “Areni Albania” sh.p.k.
Ata akuzohen për veprat penale të “Krijimit të skemave mashtruese lidhur me Tatimin mbi Vlerën e Shtuar” dhe “Fshehja e të ardhurave” të kryera në bashkëpunim.
Strukturat Hetimore, kanë krijuar dyshime të arsyeshme se skema mashtruese në fushën e ndërtimit është më e gjerë dhe për këtë arsye po vijojnë hetimet”, thuhet në njoftimin zyrtar.
Masat e sigurimit
Masa e sigurimit arrest me burg për shtetasin Gj. F. 43 vjeç, administrator i subjektit “KRISTIRINA” sh.p.k.
Masa e sigurimit arrest shtëpie për shtetasen H. M, 50 vjeçe me detyrë kontabiliste.
Masa e sigurimit arrest shtëpie për shtetasen T. K, 53 vjeçe me detyrë agjente doganore.
Masa e sigurimit arrest shtëpie për shtetasen E. B, 32 vjeçe me detyrë administratore dhe ortake e vetme e shoqërisë “ARENI ALBANIA” sh.p.k.
