Gjykata e Tiranës ka caktuar sot masat e sigurisë për 35 të arrestuarit për mashtrim kompjuterik, rreth tre ditë më parë.
Sipas “News24”, gjykata ka vendosur masën e sigurisë “Arrest me burg” për izraelitin Refael Genish dhe ekspertin e IT Eljon Firani.
Ndërsa për 33 personat e tjerë janë vendosur masa më lehtësuese, si masë “Arrest shtëpie” dhe “Detyrim” paraqitjeje.
Të premten Policia e Tiranës tha se organizatori i mashtrimit kompjuterik ishte shtetasi izraelit.
Operacioni policor i koduar “Komunikimi” ka evidentuar aktivitetin kriminal, që kishte të bënte me mashtrimin e shtetasve të huaj në BE./Opinion.al
