Kryeministri Rama ka mohuar zërat për përfshirje të vëllait të tij Olsi Rama në mashtrimin prej 2.4 miliardë eurosh me Call Centerat dhe hetimin e shtetit spanjoll që ka vënë në qendër të vëmendjes Amant Josifin, tashmë në kërkim.
Në një dalje online, Rama tha se spekulimet që Josifi është një ish-zyrtar janë pa vlerë, ndërsa lidhur me përfshirjen e emrit të vëllait, e cilësoi një valle shpatash politike.
“Qeveria jonë nuk është mburojë e asnjë aktiviteti dhe nuk bëhet për askënd mburojë. Për rastin konkret apo spekulimet se ai është ish zyrtar janë pa vlerë. E para ky është në kërkim nga drejtësia. Është një proces që nuk është bërë nga Spanja e pavarur por në bashkëpunim me organet tona dhe të tjera. Pra policia jonë gjithashtu që është e përfshirë. Nuk kanë për askënd asnjë lloj pengese apo ndikimi për të mos vepruar. Për tim vëlla, është një pjesë e valles së shpatave që zhvillohet në mexhelisin politik. Ai mban përgjegjësi vetë, por në rastin konkret është thjeshtë një valle shpatash politike dhe nuk ka asnjë llojë baze. Nëse do kishte mburojë shtetërore nuk do ishte në kërkim. ” tha Rama./Opinion.al
