Pas përplasjes me deputetin e PS, Erion Braçe, është marrë një masë disiplinore ndaj Ervin Salianjit. Kjo gjë është kundërshtuar nga kreu i Grupit Parlamentar të Partisë Demokratike, Rushaj, i cili ka kërkuar të hetohet nisja e sherrit.
Menjëherë pas rinisjes së seancës ka ardhur edhe reagimi i ish-zëvendëskryeministrit Erion Braçes, i cili mohoi të gjitha akuzat e hedhura nga Salianji. Braçe ka mohuar se ka folur apo është takuar ndonjëherë me Rezart Taçin, madje ka thënë se ka qenë ai që e ka denoncuar më shumë.
“Me thënë të drejtën etika në këtë sallë veçanërisht ndaj grave mori fund në ditën kur e gjithë urrejtja u derdh mbi një flet votimi kur ishe emri i një gruaja. Rikthejini ato pamje dhe do sillni se si mori fund etika atë ditë. Së dyti erdha këtu sot për të folur për buxhetin, kisha një qëllim dhe i shkova deri në fund për të folur për bujqit. Nuk akuzova askënd, tani në këtë sallë ka shpifës të dënuar nga gjykata dhe jo shpifës por komplotues në kurriz të nderit të njerëzve. Dokumenti i përgjimit të Rezat Taçit mban datën 18 tetor 2021, unë e zotëroj të plotë dhe atëherë unë nuk kam qenë zv.kryeministër. Që në shtator ku është betuar qeveria unë kam qenë deputet. Që të jemi të qartë. Ka njerëz që paguhen për të shpërndarë akuza sa te njëri te tjerët dhe do jua provoj që paguhen me cash. O e kam denoncuar unë ARMO-n, o s’ka fol njëri në këtë sallë dhe madje e kam kallëzuar edhe në prokurori. Aty e keni ARMO-n varr të hapur të një korrupsioni politike. Unë s’kam folur kurrë me Taçin dhe as jam takuar kurrë me atë njeri“-tha Braçe./Opinion.al
