Drejtori i Qarkullimit Rrugor, Erjon Ahmeti ka dhënë informacion mbi mbarëvajtjen e operacionit për ndalimin e qarkullimit të automjeteve në Tiranë dhe Durrës në kuadër të masave për parandalimin e përhapjes së koronavirusit.
Ai tha se shumica e qyetetarëve i janë bindur urdhërit për të mos lëvizur me automjetet e tyre private.
“Që prej orës 6 të mëngjesit të ditës së sotme, gjithë shërbimet policisë janë të angazhuara për bllokimim e të gjitha mjeteve private përvec atyre të emergjencës, e mjetet e transportit të mallrave, sic po e shihni, policia është prezente duke monitoruar dhe duke kontrolluar cdo lloj mjeti në drejtim të rinasit dhe në drejtim të Durrësit. Aktualisht kemi konstatuar njerëz me biletat e të afërmëve të tyre duke i marrë dhe duke i cuar në drejtim të Rinasit . Aktualisht nuk kemi ndonjë problem, segmentet janë të lira”, tha ai.
Ai shtoi gjithashtu se ka patur edhe një numër të vogël personash që kanë rezultuar se nuk kanë patur autorizim dhe për këtë arsye janë shoqëruar në komisariat ku do të marrin edhe gjobë për shkeljen e kryer.
“Pjesa më e madhe të akredituar, një pjesë e vogël të pa pajisur duke pasur urgjenca dhe transportin e njerëzve familjarë, kur s’kanë pasur emergjenca është bërë shoqërimi në komisariate edhe i automjeteve për verifikimin e saktë dhe do operohet edhe me gjobë sipas Kodit Rrugor për shkeljen e gjithë asaj cfarë është thënë”. /Opinion.al
