Masat e shtrënguara që ka marrë qeveria e Kenias për frenimin e përhapjes së koronavirusit kanë sjellë pasoja të rënda për qytetarët.
Pamje të rënda të policisë duke hedhur gaz lotësjellës dhe duke qëlluar njerëz me shkopinj kanë qarkulluar në rrjet që prej të enjtes.
Chaos at the Likoni channel as GSU officers descend on ferry commuters, an hour before curfew. pic.twitter.com/7QnfAUF4GQ
— NTV Kenya (@ntvkenya) March 27, 2020
Në lidhje me këto pamje ka reaguar “Amnesty International Kenya” dhe 19 grupe të tjera për të drejtat e njeriut reaguan me një deklaratë:
“Ne u tmerruam nga përdorimi i tepërt i forcës policore përpara kufirit, i cili filloi mbrëmjen e së premtes. Ne vazhdojmë të marrim dëshmi nga të dhunuarit, dëshmitarët okularë dhe pamjet video që tregojnë policinë duke sulmuar anëtarët e publikut në pjesë të tjera të vendit.
Gazi lotsjellës shkaktoi të vjella tek qindra njerëzit që përpiqeshin të arrinin në një traget në qytetin portual të Mombasa përpara orarit të shtetrrethimit, u panë teksa pështynin dhe fshinin lotët, duke rritur mundësinë e përhapjes së virusit”, thuhet në deklaratë.
“Associated Press” raportoi të shtunën deklaratën nga ministria e Brendshme e Kenias e cila thoshte se shtetrrethimi “ka për qëllim mbrojtjen ndaj një kërcënimi të dukshëm për shëndetin publik. Thyerja e shtetrrethimit nuk është vetëm e papërgjegjshme, por gjithashtu rrezikon të tjerët”.
Kenia raporton 38 raste me koronavirus aktualisht dhe një viktimë. /Opinion.al
