Masat anti-emigrant, Hungaria: 3 vjet burg kush shkel kufirin

BUDAPEST – Qeveria hungareze shpalli gjendjen e jashtëzakonshme në dy qarqet jugore në kufi me Serbinë për shkak të mbërritjes së mijëra emigrantëve. Masa u njoftua në qytetin Szeged nga zëdhënësi i qeverisë Zoltan Kovacs, pas një takimi të Këshillit të Ministrave. Policia tani do të ketë kompetenca të veçanta dhe vendimi hap rrugë përdorimit të ushtrisë në kontrollin e kufirit. Një ditë pasi Samiti i jashtëzakonshëm në Bruksel përfundoi pa një marrëveshje mbi kuotat e pranimit të emigrantëve, sot ka hyrë në fuqi gjendja e jashtezakonshme. Sipas ligjit, parashikohet deri në tre vjet burg për këdo që tenton të hyjë ilegalisht në Hungari. Nga mesnata (kohë kur ka hyrë në fuqi) 16 emigrantë, nëntë sirianët dhe shtatë afganë, të ardhur nga Serbia, janë arrestuar në kufirin hungarez.  Sic raporton BBC, ligji parashikon burgim për ata që hyjnë në mënyrë të parregullt në Hungari. Kjo është masa tjetër e fortë që vendos Hungaria pasi ndërtimit të murit me gjemba 4 metra të lartë dhe të gjatë 175 km përgjatë kufirimit me Serbinë.