Policia e Shtetit ka ndëshkuar me gjobë 468 qytetarë, të cilët nuk kishin vendosur maskën mbrojtëse.
Ndërkohë, në të gjithë vendin janë ndëshkuar me gjobë 1 milion lek 20 administratorë lokalesh, për mosrespektim të protokolleve të sigurisë dhe vendosje të muzikës pas orës 20:00 në ambientet e lokaleve.
Autoritetet informojnë se po në 24 orët e fundit janë shoqëruar në ambientet e Policisë në të gjithë vendin, 9 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me gjobë administrative 3.000 lekë dhe më pas janë lënë të lirë./ Opinion.al
