Vijojnë kontrollet e autoriteteve për respektimin e masave antiCOVID. Policia e Shtetit njofton se gjatë ditëve të para të vitit 2021, në të gjithë vendin janë ndëshkuar me gjobë 1173 qytetarë që janë konstatuar duke lëvizur pa maskat mbrojtëse.
Gjithashtu, janë shoqëruar në ambientet e komisariateve në të gjithë vendin, 15 shtetas që nuk kanë pranuar t’i tregojnë efektivëve të policisë dokumentin e identifikimit.
Gjatë kontrolleve të ushtruara në subjekte të ndryshme, shërbimet e Policisë kanë evidentuar 5 lokale që ushtronin aktivitetin në kundërshtim me protokollet e sigurisë. Për administratorin e secilit subjekt është vendosur masa administrative 1.000.000 lekë.
Autoritetet njoftojnë se gjatë ditëve të para të vitit 2021 janë gjobitur me gjobë 10.000 lekë 5 qytetarë, të cilët kanë thyer orën policore dhe kanë lëvizur në rrugë pas orës 20:30, pa arsye të domosdoshme./Opinion.al
