Policia e Shtetit në dy ditët e fundit ka gjobitur 1325 qytetarë, pasi janë konstatuan duke lëvizur pa maskat mbrojtëse.
Janë ndërshkuar me masë administrative edhe 16 shtetas të cilat kanë thyer orën policore dhe janë konstatuar nga forca të policisë duke lëvizur në këmbë.
Sipas njoftimit zyrtar, me masë administrative janë ndërshkuar edhe 4 subjekte që u konstatuan duke ushtruar aktivitetin në kundërshtim me protokollet e sigurisë.
Kujtojmë që kufizimet për të parandaluar përhapjen e pandemisë COVID-19 vijojnë të qëndrojnë ende në fuqi deri në një moment të dytë. Ditën e djeshme, në një deklaratë për shtyp, Mira Rakacolli është shprehur se në varësi të vijueshmërisë epidemiologjike të COVID-19 këtë javë, do të raportohen edhe masat e reja kufizuese. Gjithmonë nëse do të ketë nevojë për t’i shtuar ose për t’i lehtësuar këto të fundit.
Njoftimi i policisë:
Ndëshkohen me masë administrative 3.000 lekë, 1325 qytetarë, pasi u konstatuan duke lëvizur pa maskat mbrojtëse, gjatë dy ditëve të fundit.
Masë administrative për 4 subjekte që u konstatuan duke ushtruar aktivitetin në kundërshtim me protokollet e sigurisë.
Ndëshkohen me masë administrative edhe 16 shtetas që u konstatuan duke lëvizur në këmbë pas orës 22:00. Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.
Si rezultat i këtyre kontrolleve, gjatë 48 orëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 1325 qytetarë që janë konstatuar duke lëvizur pa maskat mbrojtëse. Gjatë kontrolleve janë shoqëruar në ambientet e Policisë në të gjithë vendin, 14 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.
Gjatë kontrolleve janë evidentuar edhe 4 subjekte që ushtronin aktivitetin në kundërshtim me protokollet e sigurisë. Për secilin prej subjekteve është vendosur masa administrative 1.000.000 lekë. Gjithashtu, gjatë kontrolleve në dy ditët e fundit janë konstatuar 16 qytetarë që lëviznin në rrugë pas orës 22:00, pa arsye të domosdoshme, të cilët janë ndëshkuar me masën administrative 10.000 lekë secili.
Policia e Shtetit, krahas punës për parandalimin, evidentimin dhe goditjen e paligjshmërisë, sigurimin e rendit dhe qetësisë publike, do të vijojnë punën për monitorimin e zbatimit të masave anticovid në të gjithë vendin. Në këtë kuadër i bëhet thirrje të gjithë qytetarëve që të zbatojnë masat anticovid dhe të mos dalin nga banesat e tyre pas orës 22:00 deri në orën 06:00./Opinion.al
