Goditet me thikë për vdekje në shtëpinë ku ai jetonte me gruan e tij një shqiptar 37-vjeçar në Vobarno, Brescia të Italisë.
Ngjarja e rëndë ka ndodhur këtë të premte, dhe sipas mediave italiane, në kohën e krimit, në banesë ka qenë përveç gruas, edhe kunati i viktimës, (vëllai i gruas).
Burimet policore kanë thënë, saktësojnë mediat italiane, se bëhet fjalë për një krim në familje, që mund të ketë ardhur si pasojë e një përleshjeje, raporton panorama.
Fqinjët flasin për një familje që asnjëherë më parë nuk njihej për grindje dhe tensione.
Shqiptari, identiteti i të cilit nuk është bërë i ditur, ishte punëtor në këtë zonë të Italisë.
Në momentin që ka ndodhur ngjarja, mësohet se shqiptari ishte kthyer në shtëpi në orarin e pushimit që kishte nga puna, për të ngrënë, por ka gjetur vdekjen.
E shoqja e 37-vjeçarit dhe vëllai i sa janë shoqëruar në polici, për t’u pyetur lidhur me ngjarjen.
Dyshimet e vrasjes bien mbi kunatin, por nuk përjashtohet as gruaja e tij. Këta të dy janë duke u marrë në pyetje për të sqaruar rrethanat e ngjarjes.
