Ushtria izraelite nuk ka asnjë informacion që konfirmon pretendimet se “Hamasi masakroi 40 foshnja”, tha zëdhënësi i njësisë së ushtrisë izraelite.
Thuhet se krahu i armatosur i Hamasit, Brigadat Qassam, “i preu kokën shumë foshnjave izraelite” gjatë sulmit të së shtunës të nisur nga Gaza.
E kontaktuar nga Anadolu, njësia e zëdhënësit të ushtrisë izraelite tha se “Ne e kemi parë lajmin, por nuk kemi ndonjë detaj apo konfirmim për këtë.”
Ndërkohë pas deklaratës së ushtrisë izraelite ka reaguar edhe Hamasi të cilët i kanë quajtur gënjeshtra lajmet e publikuara për prerjen e kokave të fëmijëve. Grupi palestinez u bëri thirrje mediave perëndimore “të mos anojnë verbërisht me narrativën sioniste, e cila është e mbushur me gënjeshtra dhe shpifje”.
“Ne pohojmë kategorikisht falsitetin e akuzave të sajuara të promovuara nga disa media perëndimore, të cilat në mënyrë joprofesionale përvetësojnë narrativën sioniste plot gënjeshtra dhe shpifje kundër popullit tonë palestinez dhe rezistencës së tij. Më i fundit prej të cilave ishte pretendimi për vrasjen e fëmijëve, prerjen e kokës dhe shënjestrimin e tyre”, thuhej në deklaratën e Hamasit sipas Al Jazeera.
Situata u përshkallëzua me një sulm të befasishëm të së shtunës nga grupi palestinez Hamas në Rripin e Gazës në qytetet jugore të Izraelit. Izraeli u kundërpërgjigj me sulme masive ajrore në Gaza dhe e vendosi enklavën nën bllokadë totale.
Më shumë se 1,900 njerëz janë vrarë deri më tani në dhunë, duke përfshirë të paktën 900 palestinezë dhe 1,000 izraelitë, sipas autoriteteve./Opinion.al
