Aktualitet

Masakra zgjedhore duhet denoncuar/Basha:Çfarë i kërkova ministrit gjerman


Bëhu pjesë e Grupit Zyrtar të Opinion.al
>> KËTU <<
               Publikuar në : 11:37 - 28/05/21 |
Opi Nion

Kreu i Partisë Demokratike, Lulzim Basha ka folur pas takimit me ministrin gjerman, Michael Roth. Në një deklaratë për mediat , Basha ka deklaruar se Shqipëria ka mbetur në vendnumëro për 8 vite, sa i takon procesit të integrimit. Siaps Bashës qeveria shkeli marrëveshjen e 5 qershorit.

“Pata kënaqësinë të pres ministrin Michael Roth të cilin e informova mbi zhvillimet dramatike dhe masakrën zgjedhore të 25 prillit. Shqipëria humbi një mundësi të artë për shqiptarët, për demokracinë por dhe për të ecur përpara me procesin europian të integrimit të vendit. Ky është një proces i bazuar tek arritjet, tek meritat dhe për fat të keq në këto zhvillimet siç e keni parë dhe nga konkluzionet e KE apo rezoluta e Bundestagut Shqipëria ka mbetur në vend numëro për shkak të mosarritjeve të cilat janë rënduar dhe më shumë me zhvillimet e 25 prillit. Ne kemi bërë gjithçka në dorën tonë, opozita ka bërë gjithçka duke nisur me reformën në drejtësi dhe reformën zgjedhore. Qeveria i shkeli të dyja këto. Ajo që i kam kërkuar ministrit Roth është të flasin dhe denoncojnë masakrën zgjedhore të 25 prillit, para se të jetë vonë për demokracinë dhe Shqipërinë, përpara se Shqipëria të vazhdojë të jetë e mbushur me kriminelë në parlament. Gjermania ka qenë dhe është mbështetëse e madhe e Shqipërisë në çdo front”, deklaroi Basha./Opinion.al

Pas