Burri i mësueses, Irma Garcia, që mbeti e vrarë të martën nga të shtënat masive në Uvalde, Teksas, thuhet se ka vdekur nga një atak në zemër.
Joe Garcia ishte bashkëshorti i Irma Garcia, e cila dha mësim për 23 vite në shkollën fillore Robb. Në një artikull media britanike BBC shkruan se Joe Garcia ka ndërruar jetë nga pikëllimi pasi humbi bashkëshorten e tij.
Zonja Garcia ishte një nga dy mësueset që ndërroi jetë pasi një adoleshent qëlloi me armë në një shkollë fillore dhe si pasojë e të shtënave ndërruan jetë 21 persona, 19 prej tyre fëmijë.
Çifti, i cili ishte i martuar prej 24 vitesh, ka lënë pas katër fëmijë.
