Gacalin Kopshti 30 vjeç, Arjet Saiti 42 vjeç humbën jetën tragjikisht mbrëmjen e djeshme në fsahtin Dajç të Shhkodrës. Ata kanë qenë në një lokal nate në shoqërinë edhe të disa personave të tjerë mes tyre edhe autori i krimit Miklovan Parubi, 33 vjeç.
Dyshohet se mes tyre ka patur një konflikt verbal pasi autori kishte humbur në lojën e pokerit. I njohur si përdorues droge dhe person me çrregullime emocionale, Parubi ka dalë nga lokali dhe është kthyer me automatik në krah duke hedhur breshëri plumbash mbi miqtë e tij, ku dy humbën jetën në vend dhe 4 të tjerë mbetën të plagosur.
Katër të plagosurit janë Ndok Marku, Vinçens Kopshti, Aleks Prendi dhe Kitas Molla, të cilët janë transportuar menjëherë për në spitalin rajonal të Shkodrës ku i janë nënshtruar ndërhyrjes kirurgjikale.
Këto janë të dhënat paraprake të masakrës së Shkodrës ndërsa ende nuk është arrestuar autori i krimit.
Nga deshmitë e para në polici të familjarëve është thënë se Gacalin Kopshti është vrarë aksidentalisht, pasi nuk ishte në tavolinë me autorin dhe personat e tjerë.
Foto 1: Viktima, Gacalin Kopshti 30 vjeç
Foto 2: Viktima, Arjet Saiti 42 vjeç
